بس تعال لي في مكتبي

[flash][/flash]

مااشقاق عندما يكون لك مستند رفض كل المدراء التوقيع عليه ...كان مهما بالنسبة لك ...كاد ان يتمزق في يدك ...كلما جلست في مقهي او ركبت بصا عاما نظرت في مكان التوقيع الخاويه ....فتتداخل اشتات من الشعور بداخلك ...تشعر بالهزيمة اوالفشل ....تشعر بالقوه فالصدمات تقوي ....تسخر من نفسك ...الدنيا لم تتوقف علي هذه الورقة التي صببت فيها جل عرق يديك ...كلهم يقولو لو ما جا الجيلي من الحج مافي طريقة .....امري لله ..الجيلي رمي الجمرات ...الجيلي بات بمني ..الجيلي رجم الشيطان ....كله انت تتابع فيه ...خليك من كده كدي ارجع الحلة ولا قي ابراهيم الكضاب ...ابراهيم قال الموضوع ده ما محتاج جيلي ولا حاجة ....وشاف اولاد الحلة هاش ......ونفخ ليه نفس سجارة قولد وقال :انت مالك تعال لي في مكتبي ....الغرقان بتعلق بالقشه ...اتوكل امشي مكتب ابراهيم قصاد مكتب الجيلي شلت ورقتك ومشيت ...جيت الاستقبال ...السلاتم عليكم عليك الله عاوز مكتب ابراهيم الصادق ...عاين فيك بتاع الاستقبال وقف كتابته ...اااااااااااااما تقول لي ابراهيم خدمات ....اول مكتب خلي ..تاني ...تالت ....مكتبم بعد المخزن فاتح علي الحمامات دخلت المتب البعد الحمامات ...السلاااااام عليكم ...مكتب فيه 7موظفين رد واحد عليك والباقي يعاين فيك ..ابراهيم قاعد وعامل اهميات ...وبسال فيك من ناس بيتكم كلهم لا قوه الصباح ....اها ابراهيم دي الورقه ...شالها بقرا فيها ...يجي موظف ....ابراهيم اديني قلمي ده ....اوكي ....ابراهيم جر كراعك النشيل الفائل ده من الدرج ....اوكي ....ابراهيم قروش الصندوق ...اوكيييي....انا برضو قلت لي ابراهيم موضوعي ........اوكي ....شال الورقة ولا دخل اي مكتب دخل الحمام وجا راجع بعد نص ساعة ....قال الجيلي ده اديه اسبوع بس...برضو تقول لي تعال لي في مكتبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رائع انت يا ود الخاطر وانت تجسد مهزله واقعيه وتفتح كاسات يتجرعها ابناء بلدي كما الحنظل ...نسال الله ان يصلح الحال

الاخ يوسف
بمناسبة المدراء و المكاتب و الواسطات
مره كدا بعد ما اتخرجنا من الجامعه مباشرة
كنا شفقانين شفقه
كانت معانا واحده كدا ابوها زول ذو منصب كبير في احدى المصالح الحكوميه المميزه
اها يا زول اختنا قالت بي تشغلنا في موسسة ابوها
هى اظن قاصدا واحد او اتنين كدا
و حددت لينا موعد مع احد المدراء في تلك الموسسه
اها لمن الموعد جا كان كل الدفعه سمعت بيهوا
قمنا ليك مارش من الجامعه للموسسه المعنيه
في واحدين مننا بدوا يحلموا
لمن وصلنا هناك يازول عددنا كان كبير و كلنا جايين عن طريق فلانه
اها قام المدير بدل يقابلنا في مكتبو ودانا قاعة الاجتماعات
قفلناها ليك للنهاية كرسي فاضي ما خليناهو ليهو
سالنا ليك بعض الاسئله كدا و كتب لينا ورقه لمدير اصغر منو
كان مكتوب فيها:
الاخ س
ابعث اليك هذه المذكره برفقة مجموعه من الشباب المميزين في مجالهم فارجو ان تقوم تجاههم بالواجب
كتيبة الواسطه اتحركت لي مكتب س يتقدمنا احدنا يحمل الوريقه
اول ما وصلنا ادينا س المذكره
س مسك الورقه و عفصها
و قال لينا تعالو بعد شهرين
و من ديك و عيك

كم انت رآآآآآآآآآآآآآآآآآآآآآآآآآآآآآآآآآآئع ياخال خاصة عندما يتوسد قلمك المنتدى وماتكتبه دائما" يظل متعلقا" بالزاكره نسبة لتعلقه بالواقع الذي نتجرعه يوميا" مثلا ياخال من فئة:
انتا خلي ورقك معانا ونحنا لمن تظهر حاجه بنضرب ليك؟؟؟؟؟؟؟؟؟؟؟؟
اسمع يا انتا مر علينا الاسبوع الجاي؟؟؟؟؟؟؟؟؟؟؟؟؟؟؟
وممكن برضو تكون مقضي الخدمة الوطنيه وبرضك تدفع زي ما عملو ليك يا خال وانا كنت شاهد عندما قالها لك موظف الوزارة بصورة غريبة :خمسه جنيه ونص بس ياشاب...........
وهنللك الكثير من فئة ماف مشكلة ,,,,,,ايوه ماف مشكله بس صور لي شهاداتك وجيبا لي؟؟؟؟؟؟؟؟؟؟

» تعال يازووول,,,,,
» الغربة اقسى نضال تعال وراينا احساسك فى الغربة شنو ؟؟؟