ما عاجبنا والله

يا شباب .....يا مشرفيين
انا كتبت بوست و شوهد 12مره لكن بدون تعليق لمن اتحسست ...انو الكلام المكتوب ده غير قابل للتعليق ولا الحاصل شنو؟ بالجد حاجه تزعل ...والراي بعبر عن الشخصيه ...وطبعا اليومين ديا المنتدي وصل اعلي نسبه من الحضور وبتمني كل الناس تقول رايها حتي لو ما مقبول...ونقاط المناقشه هي:
-عمل ارشيف للمنتدي بعد الفلتره للمواضيع المنتهيه.
اضافه اقسام بالمنتدي ...دردشه...تعارف..نكات...الخ
الالتزام بكتابه المواضيع في الاماكن المخصصه لها.
اضافه بعض التسهيلات علي لوحه الكتابه...
الاتجاه لكتابه مواضيع جاده تعكس تاريخ وثقافه القريه حتي نترك موروثات للاجيال القادمه.
زياده عضويه المنتدي
تفعيل منتدي الصور والفيديو وتعميم التسميه ليستوعب صور من خارج القريه

ااتمني الناس تدلي بارايها حتي نحقق المنشود

الاخ نزار شكرا لك وانت تحمل هم هذا المنتدى
انا و الله كنت هامي زيك كدا لكن اسي بديت اتفائل بان القادم افضل
بالنسية لارشفة المنتدى انا شايف مافي ضرورة لذلك فنحن محتاجين للموضاعات القديمه عشان المنتدى ما يكون فاضي
منتدانا دا زي الدكان الراسمالو ضعيف تلقى سيدو راصو كلو كراتين فاضيه و تلقاهو راص صابون الحمام بالعرض
اها دا حالنا نحن
لكن كل يوم راسمال منتدانا بيزيد و بدل كرتونه فاضيه بنخت موضوع جديد و شديد

اما بالنسبه للالتزام بالموضوع سبق ان تحدثنا في هذا الامر
و لكن مافي زول مهتم و على العموم دي اسي ما مشكله
و بالنسبه لبقية المقترحات فهي فعلا تستحق التوقف عندها ولكن اتوقع ان تحل هذه المشاكل بزيادة نسبة الاشتراك
بالنسبه للتسميه ما اظن انها تحول دون عرض صور لا علاقه لها بالقرية مع ان المنتده هدفه الاساسي ربط ابناء القرية و تعريف الاخرين بها عشان كدا الاسم ضروري جدا
و شكرا

مشكوور اخ علي
باقي النقاط دي رايكم فيها شنو؟

ضافه بعض التسهيلات علي لوحه الكتابه...
اضافه اقسام بالمنتدي ...دردشه...تعارف..نكات...الخ

بالجد الواحد معجب بيكم ......وما قادر اتكلم ....مكسر فيكم ......ومشتاق ليكم والطرح المقدم بامانة كله كله كله حلو ومعجب بيه برضو .......شكرا

واللة يا باشمهندس اوافقك علي اقتراحاتك القيمة وبتمني تكون في اضافة اقسام فرعية بالمنتدي متل :
_المنتدي الاسلامي :خاص بكل ما يتعلق بديننا الاسلامي ويناقش قضايا الدين المعاصرة
_منتدي الحوار العام:للنقاش الهادف والبناء والمواضيع العامة
_منتدي الترحيب والاجتماعيات :للترحيب بالاعضاء الجدد والمناسبات
_الخيمة الرمضانية:خاص بشهر رمضان المعظم
_المنتدي السياسي:يهتم بالسياسة الداخلية والخارجية
_اميرات قوز ابوروف:خاص بحواء وبيتها وزينتها
_منتدي البيت الكبير :للونسة والضحك والفرفشة

شباب شرفتو والله ...بس عاوزين نكون جادين في التنفيذ..وده طبعا مسئوليه المشرفين ....يلا نشوف الجدييييد

يا شباب افكاركم جميله لكن برضو بنخاف على المنتدى من الترهل
و لا نقول ان المنتدى بشكله الحالي مكتمل لكن بقضي الغرض
المهم هو مساهمات الاعضاء
بالنسبه لاقتراحات الاخ خالد
المنتدي الاسلامي :يوجد لدينا المنتدى الديني
_منتدي الحوار العام:للنقاش الهادف والبناء والمواضيع العامة
منتدي الترحيب والاجتماعيات :الترحيب يجب ان يتم في منتدى الاخبار لانه يظهر في الصفحه الاولى اما بالنسبه للاجتماعيات فهنالك المنتدى الاجتماعي
المنتدي السياسي:لا احبذ الخوض في السياسه لانها عوامل تفرقه اكثر من وحده اضف الى ذلك انها ستشغلنا بقضايا انصرافيه هذا هو رائي الخاص اما اذا كان الاخوة الاعضاء يرغبون فى ذلك فنحن في الخدمه
اميرات قوز ابوروف:كدا بتوحدو بي زينب
ودمتم

علي اسمح لي أسالك سوال لو نحن الاعضا عايزين ندردش مع بعض أو نقول نكات نكتب ويييين ؟؟؟؟عشان ما كل مره تذوق من الاقتراحات و برضو لسه في سوال قائم ...كيفيه رفع الصور؟؟؟؟؟؟؟؟؟؟؟؟
وبرضو مشكوووووووووور

الاخ نزار عشان نكون عمليين
انا ح اشرح ليك كيف ترفع صوره
وموضوع انك تكتب نكته دا ح نأجلوا لوقت اخر
رفع الصوره
هناك مواقع متخصصه في رفع الصور قم بانشاء حساب في هذه المواقع حتى تتمكن من تخزين صورك فيها و اشهر هذه المواقع هو موقع http://www.flickr.com/
بعد ان تخزن الصوره في هذا الموقع اعمل نسخ للرابط بتاع الصوره
و من داخل منتديات قوز ابوروف عند انشاء موضوع جديد او الرد على موضوع في شريط ادوات مربع الكتابة توجد ايقونة الصوره يظهر ذلك بوضوح عندما تمرر عليها المؤشر
عندما تضغط على هذه الايقونة يظهر مربع الصق فيهو رابط الصوره و اضغط على نعم اسفل المربع
و بالتالي تظهر الصوره
واتمنى ان اكون قد وفقت في الرد على استفسارك

.....الله يخليييك لينا يا عريييس....لكن شكلها ما نزلت انسخ الرابط كيف؟؟؟

ما عاجبنا والله ?saved=1

ود الخاطر ... نزار ... على ... خالد .... سلامات ..
اوافكم الراى وارجو التقليل من الدارجيه والموضعيه فى الكتابه وقلة الزكريات الغير مجديه ..وليس عيب ان تنقل ابداعات ..تولستوى .. والطيب صالح والابنودى والقدال ..
ودمتم ..

نزار الغرقان كتب:: .....الله يخليييك لينا يا عريييس....لكن شكلها ما نزلت انسخ الرابط كيف؟؟؟

طريقة نسخ الرابط
اذا كنت تستخدم مايكروسوفت اكسبلورر
اضغط بالزر الايمن على الصوره
اختار properties
تظهر نافذه انسخ عنوان الصوره بعد كلمة address
كدا بتكون نسخت الرابط

والله اهو نحاول ..لكن جات صغيره

مبرووووووووووووووووك الصوره الاولي
شوف سبحان الله كمان ملونه

لا احسن تكون ابيض بي اسود ....هوووووووي يا عريسسسس بطل التريقه...عارفنك فوقك الملائكه

والسلام عليكم ورحمة الله
والله الاختراحات كلها جميله
ولم تتركو لى اختراحا ولاكن اكرر الدردشه مهمه

» والله اعلم
» لاتهاجروا
» اغاني ومعاني
» شوقي يوسف ,محمد عباس,خالد النيل حبابكم عشره